Ta, Kof, Wau

Posted by sashimiboy on Aug 13, 2010 in Kangguru | 18 comments

Dulur – dulur, piye kabare, aku nang kene apik – apik ae, alhamdulilah iso ngelakoni poso pisan. Durung bolong blas pek, lha yopo ancen se oleh rong dino, niru pariane Cak Kartolo

Tuku kelopo nang ploso // bulan poso iki iso mbusek duso

Maeng melo teraweh pek nang masjid, terus terang ae aku jarang melu teraweh, yo selain males komes, rokaate kakean pisan, kemeng dengkulku. Ojo maneng sing likuran rakaat, wong sing 8 rakaat ae aku aras – arasen kok. Mboh opo’o wingi iku dadi gak aras – arasen, gak ono udan gak ono bledek, moro – moro wingi iku kepingin sembayang teraweh, nang masjid Kutisari.  Biasane masjid iki gawe numpang adus le wes sore, timbang awak gatel kabeh, polae gak adus 3 dino.

Ngene pek ceritane,  gawe sing wes pengalaman melo teraweh puluhan tahun, mesti wes paham le sadurung e teraweh biasane ono ceramah, yo iki alasan  paling garai aku males melo teraweh. Gak kesuwen mari isya’an, langsung ngadek golek panggon sing paling mburi, ambe dungo mugo – mugo ketemu cewek ayu iki niat terselubung melu teraweh sing paling spesial. Lunggo mburi, nyenden cagak betone masjid, ambe akting merem sok khusuk dungo, setengah ngelirik nang barisan mukena putih, sopo ngerti ono sing nduwe lesung pipi.

Sliat – sliut, bumi gonjang – ganjing, ono suoro ke gowo angin melbu nang kupingku, krunguku  jare sing khotbah, poso iku tujuane gawe ningkatno Takwa, le iki sich wes mbelenger aku ngerungokno, mulai SD, SMP, SMA,  sampe ganti – ganti gendaan yo pancet ngunu ae sing diceritakno Yo po kate ditingkatno wong bentuk e takwa ae gak ngerti, ojo maneng takwa, rupane iman durung ngerti kate takwa ya po ? Jare Badrun konco CS, keliru kabeh tambahan.

Ngomong ngalur ngidul masalah Iman Takwa, Bapak ustad pengkhotbah sing titel e Drs iku, moro – moro nyebut jenenge, Imam Nawawi. Wah kaget koyo ketiban langit, langsung moto melek, koyo e jeneng iki sering kerungu aku, le gak salah sing ngarang kitab Sulam Safina. Gak penting lah iku menurutku, gak perlu dibahas, kuatir le mbahas ngunu akeh salahe, sing penting mbahas Takwa ae. Yaiku, tentang TAKWA, Takwa iku le dipreteli huruf e siji – siji, iku ono huruf, TA, KOF, WAU. Iki dibahas siji – siji rek.

TA, artine wong iku kudu Tawadhu, sing karepe kudu ngerteni. Ngerteni nang sopo ? yo ngerteni nang awake dewe, iso rumongso nang karepe awake, mahami ambe ngontrol karepe nafsune. Ono nafsu amarah, lawammah, sufiyah mutmainah. Kabeh nafsu karepe dewe – dewe podo gak gelem ngalahe, yo semestine dulur tuwo kudu ngerteni dulur sing enom.

Dadine le iso ngereni dulur dewe iki, Insyallah iso pisan ngerteni wong liyo, gak gampang – gampang ngelarani atine wong, gak gelem nggarai gelone wong tuwo. Dadi le awake peno, mari poso terus sech gelem ngerasani wong liyo, Nggudo rondo sing melaku nang embong, opo maneng gonceng bojone konco nang kenjeran. Iku tanda – tanda, tanda – tanda le durung iso rumongso masio wes poso

I really miss you tonight 

KOF, artine Qona’ah, nriman, jarene wong Jowo nrima ing pandum. Artine prei ngersulo, gak sambatan, ono e cuma nyukuri nikmate urip, urip cuman mampir ngombe, kadang nyemil, suwe – suwe tangane nyanyil, yo iku sing nggarahi lali moleh. Wong nriman iku iklas pek, loro untu mesem, loro ati ngguya ngguyu koyo mari oleh arisan, kilangan duwek malah ngutangi tonggone

Jarene kan poso iku khusus gawe wong sing beriman, nah le samean ngaku beriman, tibae  mari poso, mari ngunu isik morang moreng polane ditinggal rabi gendaane sing semok smeledot, nangis gero – gero polane gak lulus ujian sekolah,  jambak – jambak rambut polae gak iso tuku blackberry, opo maneng gak nyopo konco polane konco lali mbayar utang. Kiro – kiro le se model ngunu perlu melo poso tahun ngarep, ambe dungo mogo – mogo isik diparingi Gusti Allah ambean dowo.

WAU, Wara’. Nah iki aku lali rek bahasane, tapi sa’ilingku, Wara’ iku podo karo Wira’i artine isin. Bahasa Indonesiane, “malu itu sebagian daripada iman. Isin opo ? Isin kate budal kerjo telat, isin kate marung gak mbayar, isin kate nonton videone Cut Tari ambe Aril, isin durung tau nonto ngunu ta ? wkkwkwk…..

Sing  jelas isin ambe awake dewe rek, le isin ambek awake dewe podo karo isin ambe Gusti Allah, mogo – mogo iki bener ……, lha yo po saiki misale wong gendaan luruan nang peteng – peteng,  misal nang watu – watu kenjeran utowo bekas tol gempol. Kan iku petenge gak karuan, setan ae wedi kate cangkruk nang kunu. Hayooo….kate isin ambe sopo terus ? wong gak ono sopo – sopo moso kate gak lapo – lapo, impossible, ora mungkin? moso kate isin ambe gendaane dewe, wong wes podo nyepak kabeh, ngerasakno jok sepeda sing wes anget , maleh isin ngene iki cerito koyo ngene, ketoro le wes pengalaman

Kurang lebihe ngunu rek isine khotbah wingi, mugo – mugo ono manfaate nang bulan penuh berkah iki.